Žychar Słonimskaha rajona skraŭ bolš za 3 tony bulby sa schovišča adnaviaskoŭcaŭ, paviedamlaje UUS Hrodzienskaha abłvykankama.
Ad ruk złamyśnika paciarpieli niekalki žycharoŭ vioski Sialavičy. Na ŭskrainie nasielenaha punkta jany vykapali schovišča, kudy zakłali ŭradžaj bulby. 21 sakavika adzin z žycharoŭ vioski vyrašyŭ pravieryć schovišča. Jon vyjaviŭ, što častka ŭradžaju adsutničaje. Jak paźniej vyśvietliłasia, było vykradziena 3 tony bulby.
Paciarpiełyja źviarnulisia ŭ milicyju. U chutkim časie była ŭstanoŭlena asoba złamyśnika: im akazaŭsia ich adnaviaskoviec, raniej sudzimy mužčyna 1978 hoda naradžeńnia. Na spravu jon chadziŭ pa načach. Vyvoziŭ ŭradžaj na tačcy, za noč moh ździejśnić da 20 chodak, skradzienaje pradavaŭ. U dačynieńni da złamyśnika zaviedzienaja kryminalnaja sprava pa č.1 art.205 KK (kradziež).
