Fota - Handschuh News
Znajomciesia: Džoj Čestnat, 24-hadovy žychar kalifarnijskaha San-Chose, čempijon śvietu pa hłytańni hamburhieraŭ, jon ža — suśvietny rekardsmen pa źniščeńni chadunoŭ (chot-dohaŭ), jon ža — najvialikšy ŭ śviecie picažer. Apošni tytuł Džoj atrymaŭ siońnia, kali za 10 chvilinaŭ, adviedzienych na jadu, zakinuŭ u nietry svajho straŭnika 45 trochkutnikaŭ picy. Na pieršynstvie, što ładziłasia na Tajms Skver u Ńju-Jorku, hetym vynikam Džoj našmat vypieradziŭ inšych amataraŭ pajeści jak nie ŭ siabie.
Hałoŭny sakret jahonaj pieramohi: dziela bolš zručnaha hłytańnia trochkutnik treba krychu prytaptać kułakom, a potym zharnuć u trubačku. Pavodle słovaŭ čempijona, jon pastaviŭsia da spabornictva z usioj surjoznaściu — trymaŭ post až cełyja sutki.
Varta dadać, što kali Džoj vybiraje miasnoje meniu, to za tyja ž 10 chvilinaŭ moža źmieńcić 83 hamburhiery ci 59 chadunoŭ.
Koliś movaznaviec Fiodar Jankoŭski zapisaŭ u Kareličach cudoŭny vyraz — «ziamla nienajednaja».
