Kiraŭnik minskaha adździaleńnia kampanii Juno Alaksiej Minkievič vykazaŭsia nakont brydkaha zapisu svajho padnačalenaha Andreja Kirylenki.
Alaksiej Minkievič. fota Dev.by
Nahadajem, toj napisaŭ pra śviatkavańnie stahodździa BNR kala Opiernaha teatra nastupnyja słovy: «Kab tam štości ŭzarvali, kab ich hniłyja vantroby na niekalki kiłamietraŭ raźlacielisia».
Andrej Kirylenka.
«Kampanija Juno, jak mižnarodnaja technałahičnaja kampanija, była i zastajecca pa-za palitykaj. My nie naviazvajem svaim supracoŭnikam peŭnych pohladaŭ na tyja ci inšyja rečy i nie sočym za tym, što jany pišuć u sacsietkach — u pytańniach, jakija nie datyčacca pracoŭnych momantaŭ, jany volnyja vykazvacca, jak zachočuć. Heta taja svaboda, za jakuju ŭ tym liku ceniać pracu ŭ kampanii, — havorycca ŭ piśmovym adkazie Alaksieja Minkieviča. —
Razam z tym, ja, viadoma, razumieju, što takoje ahresiŭnaje vykazvańnie supracoŭnika, chaj i pryvatnaje, chočacca źviazać z kampanijaj. I što ŭsio roŭna, pra što jano było i suprać kaho było nakiravana, usio roŭna, u kaho jakija pohlady na žyćcio — u toj formie, u jakoj jano vykazana, sapraŭdy moža abrazić navat tych, chto pračytaŭ jaho vypadkova.
Tamu jak čałaviek ja ščyra škaduju ab tym, što jano źjaviłasia — niahledziačy na toje, što ni kampanija, ni ja asabista nie majem da hetaha dačynieńnia».
* * *
Juno — prajekt, jaki sprabuje kinuć vyklik suśvietna viadomamu servisu Uber.
