Žychara Barani Hienadzia Šepieleva ŭ aŭtorak zaprasili ŭ milicyju «na 5 chvilin, dla ŭdakładnieńnia». Ale ź milicyi advieźli ŭ sud, dzie za niekalki chvilin prysudzili štraf 539 rubloŭ. Tak aršanskija ŭłady adreahavali na toje, što jon u Dzień Voli ŭstalavaŭ bieł-čyrvona-bieły ściah pobač z pomnikam Uładzimiru Karatkieviču i sfatahrafavaŭ heta, piša Radyjo Svaboda.
Hienadź Šepieleŭ kaža, što supracoŭnica aršanskaj milicyi Lilija Truško paklikała jaho ŭ milicyju praz telefon. Jon pahadziŭsia, bo viedaŭ, što suprać jaho raspačataja administracyjnaja sprava za fatazdymak: u Dzień Voli jon ustalavaŭ bieł-čyrvona-bieły ściah pobač z pomnikam Uładzimieru Karatkieviču ŭ aršanskim parku i sfatahrafavaŭ heta.
Štraf pamieram 22 bazavyja vieličyni aktyvist atrymaŭ pavodle artykuła 23.34 KaAP za nibyta niezakonnuju masavuju akcyju. Choć, pavodle jaho, navat śviedkam-milicyjantam nie było čaho skazać, aprača taho, što fatahrafavańnie praciahvałasia 5 chvilin i što ŭ radyusie 150 metraŭ ad pomnika ŭ parku nie było nivodnaha minaka.
