«Čarnobylski šlach» u 2017 h., fota Siarhieja Hudzilina
Ciapier stvarajecca arhanizacyjny kamitet «ČŠ», što tradycyjna pravodzicca 26 krasavika. U arhanizacyi mierapryjemstva voźmie ŭdzieł Partyja BNF, płanujuć dałučycca BCHD, «Zialonyja», ruch «Za svabodu». Zajaŭka budzie padadziena ŭ najbližejšyja dni, paviedamiŭ Radyjo Svaboda staršynia Partyi BNF Ryhor Kastusioŭ.
«Farmat my jašče razam nie vyznačyli, tamu nie chaču zahadzia kazać, — tłumačyć sp. Kastusioŭ. — Jość roznyja prapanovy i padychody, ale kali prymiem uzhodnienuju pazycyju, ahučym jaje ŭ ŚMI i padadzim zajaŭku ŭ harvykankam. Čarnobylski šlach sam pa sabie maje na ŭvazie šeście — spadziajusia, ułady jaho dazvolać.
Zvyčajna minskija ŭłady dazvalali šeście ŭ hadavinu avaryi na ČAES ad Akademii navuk da Čarnobylskaj kaplicy, što za Parkam družby narodaŭ.
U 2017 hodzie arhanizatary prasili źmianić maršrut (prapanoŭvaŭsia varyjant šeścia ad Opiernaha teatra da płoščy Banhałor), ale ŭłady dazvolili «tradycyjny» varyjant.
