Ab muzyčnych hustach troch supracoŭnikaŭ palicyi Ciarnopala stała viadoma dziakujučy videa, jakoje źniaŭ u restaranie vypadkovy śviedka. Na videa palicejskija sa svaimi žonkami tancavali pad pieśniu Aleha Hazmanava «Aficery».
Na fonie skandału z tancami ŭ restaranie pad pieśniu pra rasijskich aficeraŭ ciarnopalskija palicejskija vyrašyli pajechać u zonu bajavych dziejańniaŭ.
Pra heta sa spasyłkaj na ich načalnika Alaksandra Bahamoła pieradaje Politierno.
«Paślazaŭtra jeduć, znoŭ ža, u zonu bajavych dziejańniaŭ na 2 miesiacy. Paprasili, tamu što, kažuć, treba svoj tvar niejak padtrymać. Zrazumieła, jany nie padtrymlivajuć rasijskuju ahresiju», — zapeŭniŭ jon.
Akramia taho, palicejski načalnik zapeŭniŭ, što za parušeńnie etyčnaha kodeksa supracoŭniki buduć pryciahnuty da dyscyplinarnaj adkaznaści.