2 krasavika — Mižnarodny dzień dziciačaj knihi. Z hetaj nahody na sajcie halijafy.by možna zamović lubuju dziciačuju knihu sa źnižkaj 15% pa proma-kodzie «kniha».
Vydańnie jakasnaj litaratury dla dziaciej i padletkaŭ — adzin z asnoŭnych kirunkaŭ dziejnaści vydaviectva. I tamu «Halijafy» robiać usio, kab dziciačyja knihi było cikava čytać, razhladać i słuchać.
Nižej sabrany Top-3 samych papularnych dziciačych knih vydaviectva.
1. «Dźvie Aviečki» Volhi Hapiejevaj
«Dźvie Aviečki» — heta paema dla dziaciej i darosłych, jakija nie pierastali ŭsprymać śviet dziciačymi vačyma.
Volha Hapiejeva raspaviadaje try historyi, hałoŭnymi hierainiami jakich źjaŭlajucca dźvie aviečki. Tut znojdziecca miesca dla zachaplalnych padarožžaŭ i novych siabroŭ. Vydatnyja ilustracyi Marty Hieraščanka dapamahajuć stvaryć čaroŭnuju atmaśfieru kazačnaha śvietu.
U jakaści dadatku ŭ knižku ŭklučany ilustracyjny słoŭnik, jaki moža vykarystoŭvacca jak lemantar.
2. «Letniaja Azbuka» Hanny Hałavinoj
Kniha adrasavanaja dzietkam daškolnaha i małodšaha školnaha ŭzrostu. Jana dapamahaje vyvučyć litary biełaruskaha ałfavita, a taksama nazvy sadaviny, harodniny i kvietak.
Nievialikija vieršy lohka zapaminajucca. Darosłyja mohuć ich čytać maleńkim u darozie, pierad snom, padčas śniadanku na śviežym pavietry i prosta kali zaŭhodna.
3. «Skroź lusterka, i što ŭbačyła tam Alisa» Ljuisa Kerała
Suśvietna viadomaja kazka Ljuisa Kerała «Skroź lusterka, i što ŭbačyła tam Alisa», adzin z samych zahadkavych tvoraŭ kłasičnaj litaratury Vialikabrytanii, užo druhoje stahodździe vabić jak dziaciej, jakim jana niepasredna pryznačałasia, tak i darosłych.
U hetym vydańni źmieščany pierakład kazki, vykanany Vieraj Burłak. Aryhinalnyja ilustracyi Kaciaryny Dubovik supravadžajuć u padarožžy ŭ Zalusterkavy śviet i dazvalajuć adčuć siabie ŭdzielnikam fantastyčnaj hulni — šachmatnaj partyi, razyhranaj Ljuisam Kerałam.