Ułady Izraila admianili płan departacyi afrykanskich mihrantaŭ u krainy Afryki paśla dasiahnieńnia pahadnieńnia z Arhanizacyjaj Abjadnanych Nacyj. Jak paviedamlaje NEWSru, ahienctva AAN pa spravach biežancaŭ damoviłasia ź izrailskimi ŭładami ab vysyłcy prykładna 16 tysiač afrykanskich nielehałaŭ u zachodnija krainy.
U svaju čarhu Izrail pradastavić inšym nielehałam časovy vid na žycharstva terminam na piać hadoŭ, a taksama voźmie na siabie prajekt raśsialeńnia nielehałaŭ pa ŭsioj krainie, ich prafiesijnuju aryjentacyju, pierapadrychtoŭku i dapamohu ŭ pracaŭładkavańni.
«Heta pahadnieńnie, jakoje budzie ažyćcioŭlena pad ehidaj AAN i mižnarodnaj supolnaści, dazvalaje vydalić z krainy bolš nielehałaŭ, čym było praduhledžana papiarednim płanam», — havorycca ŭ paviedamleńni kancylaryi premjer-ministra Bińjamina Nietańjachu.
Urad Izraila ličyć, što dasiahnutaje pahadnieńnie admianiaje nieabchodnaść u prymusovaj departacyi afrykanskich mihrantaŭ.
