Jašče adna stancyja siłkavańnia dla elektramabilaŭ źjaviłasia ŭ Hrodnie 2 krasavika. Heta adna z čatyroch stancyj, što padaryŭ horadu letašni ŭdzielnik fiestyvala SunDay Autogrodno Tomas Kalvas z Hiermanii. Jaho Opel Ampera-e staŭ pieršaj mašynaj, što vyprabavała na sabie pracu novaj stancyi, piša Hrodna.life.
Sa słovaŭ Tomasa, elektramabili nie źviazany ź jaho asnoŭnaj pracaj. Heta zachaplalnaje chobi, katoraje pastupova pieratvarajecca ŭ «niešta bolšaje». Prynamsi, u mahčymaść padarožničać, paznavać śviet i znajomicca ź cikavymi ludźmi. Elektramabilam i padarožžam pryśviečana jaho staronka na fejsbuku.
Układajučy srodki ŭ raźvićcio infrastruktury, jon choča zabiaśpiečyć bolš kamfortnyja ŭmovy dla padarožžaŭ i matyvavać inšych da asvajeńnia elektramabilaŭ. Tym bolš, adznačaje Kalvas, što i samastojna, nie čakajučy tolki na inviestycyi, Biełaruś robić kroki nasustrač amataram elektramabilaŭ.
Jaho Opel Ampera-e maje zapas chodu na akumulatarach kala 300 km. Z takimi mahčymaściami pa Biełarusi možna svabodna pieramiaščaccca, chacia i prychodzicca dakładna płanavać miescy siłkavańnia. U Jeŭropie z hetym užo značna praściej. Tolki ŭ Bierlinie možna padsiłkavać akkumulatary bolš čym u 900 miescach!
