Dakumient raspracavany hrupaj deputataŭ ad «Adzinaj Rasii». Jon unosić papraŭki ŭ zakony, jakija rehulujuć dziejnaść sudovych prystavaŭ i raspaŭsiudžvańnie i abaronu infarmacyi, u tym liku ŭ internecie.
U vypadku pryniaćcia zakonaprajekta sudovyja prystavy atrymajuć prava vynosić pastanovy ab błakavańniach sajtaŭ sa źviestkami, jakija źnievažajuć, kali tyja, chto ich raźmiaściŭ, nie vydalać ich u adviedzieny termin (jak praviła, piać dzion sa dnia atrymańnia pastanovy).
Źviestki pryznajucca tymi, jakija hańbiać, sudom. Adnak kali ciapier dla błakavańnia sajta z takimi źviestkami treba jašče adno, asobnaje rašeńnie suda, to novy zakonaprajekt prapanuje dać sudovym prystavam prava samastojna dabivacca błakavańnia resursu.
U tekście zakonaprajekta havorycca, što sudovy prystaŭ na praciahu adnaho pracoŭnaha dnia pavinien paviedamić pra svajo rašeńnie Raskamnahladu, jaki i pavinien zabłakavać staronku. Aŭtary zakonaprajekta — kiraŭniki dumskaha kamiteta pa biaśpiecy. Čaściej za ŭsio heta aznačaje, što zakonaprajekt budzie pryniaty.
Apisany ŭ zakonaprajekcie miechanizm moža pryvieści da błakavańnia nie tolki sajtaŭ ŚMI, ale i takich siervisaŭ jak «Fejsbuk» i YouTube, adznačaje viadučy juryst prajekta «Raskamsvaboda», partnior jurydyčnaj kampanii «Centr ličbavych praŭ» Sarkis Darbinian.
