Jašče adno rasijskaje miedyja vypuściła materyjał na temu Biełarusi. Na hety raz — «pieršy ruski kansiervatyŭny infarmacyjna-analityčny» telekanał Caŕhrad TV, źviazany z kamiercyjnymi strukturami RPC. U artykule «Łukašenka choča ruskich hrošaj, ale nie choča Ruskaha śvietu» aŭtar sprabuje padsumavać vyniki 21-hodździa isnavańnia «sajuznaj dziaržavy» Biełarusi i Rasii. I vyniki čarnasociencaŭ nie radujuć.
Na dumku aŭtara, biełaruskija ŭłady zajmajucca reanimacyjaj nacyjanalizmu. Śviedčańniem hetaha staŭ sioletni Dzień Voli, pry padrychtoŭcy da jakoha ŭłady pajšli na peŭnyja sastupki. Caŕhrad TV piša, što takoje «padłaščvańnie» ŭładaŭ i nacyjanalistaŭ adpaviadaje metam aficyjnaha Minska.
Uvieś materyjał čarnasociencaŭ prapitany pahardaj da Biełarusi. Minsk nazyvajecca «nievialikim i adkryta pravincyjnym» horadam. Caŕhrad TV zakranaje i relihijnyja pačućci. Pačali čarnasociency z katalikoŭ:
— I dobra b tolki kataliki, čyja apalačanaja i alitvinienaja pastva daŭno hladzić u bok, procilehły pravasłaŭnamu Treciamu Rymu i ruskamu adzinstvu, — ich arcybiskup z sapraŭdnym biełaruskim imiem i proźviščam Tadevuš Kandrusievič jakraz pravioŭ nabaženstva z nahody.
A potym uzhadali i śviatara BPC Siarhieja Lepina:
— Ale nie, na hetym zboryščy adznačyŭsia i staršynia sinadalnaha infarmacyjnaha adździeła Biełaruskaj pravasłaŭnaj carkvy, protaijerej Siarhiej Lepin, jaki zaviaršyŭ svaju pałymianuju pramovu nie horš za jakoha-niebudź nacyjanalistyčnaha aktyvista krykami: «Žyvie Biełaruś!»
Čytajcie taksama: Rasijski šavinist Aviarjanaŭ-Minski nakinuŭsia na pres-sakratara BPC, jaki vystupaŭ na Dni Voli, — i atrymaŭ adłup
Potym aŭtar prajšoŭsia pa biełaruskich školnych padručnikach, dzie jamu nie spadabałasia toje, što Biełaruś adličvaje svaju dziaržaŭnaść z časoŭ Połackaha kniastva i VKŁ.
«I na hetym «sajuznyja» vychadki baćki nie skančajucca», — piša Caŕhrad TV.
Aŭtar u čarhovy raz nahadvaje, što Biełaruś aficyjna nie pryznała ni niezaležnaści Abchazii i Paŭdniovaj Asiecii, ni aneksiju Kryma, ale ŭ svaju čarhu praciahvaje atrymlivać «bonusy» ad supracoŭnictva z Rasijaj.
Nie padabajecca čarnasociencam i toje, što Biełaruś aktyŭna handluje z Ukrainaj i Azierbajdžanam.
U jakaści ekśpierta dla materyjała vystupiŭ siabra Rady pa mižnacyjanalnych adnosinach pry prezidencie Rasii Bahdan Biaspalka.
«Biełaruś maje prava na pryniaćcie niezaležnych rašeńniaŭ navat antyrasijskaha charaktaru, ale čamu tady Rasija pavinna ŭtrymlivać biełaruskuju ekanomiku? — pytaje Biaspalka. — Voś zaraz 23 našyja dypłamaty byli vysłany z Brytanii, i ŭ hety ž dzień tudy ž adpraviŭsia ministr zamiežnych spraŭ Biełarusi spadar Makiej. Nu niaŭžo nielha było ŭzhadnić hety vizit z rasijskim bokam?»,
— kaža Biaspalka.
Uzhadali ŭ materyjale jak niehatyŭ navat toje, što biełaruskija kiraŭniki časam apranajuć biełaruskuju vyšyvanku.
«Vopyt inšaj susiedniaj krainy pakazvaje, što kali viaskovaja kašula pieratvarajecca ŭ nacyjanalnuju ideju, pra braterstva i adzinstva možna zabycca»,
— papiaredžvaje Caŕhrad TV.
A voś tak adreahavali na artykuł čytačy Caŕhrad TV:
