Dvornik paškodziŭ pryparkavany kala padjezda doma na vuł. Napaleona Ordy aŭtamabil, jaki pieraškadžaŭ vyvazu śmiećcia, paviedamlaje pres-słužba Maskoŭskaha RUUS horada Minska.
— Miascovy žychar pačuŭ huki ŭdaraŭ i, pahladzieŭšy ŭ akno, ubačyŭ, jak mužčyna ŭ śpiecvopratcy spačatku nahoj, a potym śmiećcievym kantejnieram bje pa jaho aŭtamabili. Supracoŭnikam kryminalnaha vyšuku dvornik rastłumačyŭ, što jaho razzłavaŭ toj fakt, što žychary doma rehularna parkujuć svaje mašyny kala padjezda, zaminajučy vyvazu bytavoha śmiećcia, — raspaviała aficyjny pradstaŭnik Maskoŭskaha RUUS Volha Michalenia.
Jak vyśvietliłasia, dvornik u momant ździajśnieńnia supraćpraŭnych dziejańniaŭ byŭ pjany. U kryvi 38-hadovaha mužčyny vyjaŭlena bolš za 3 pramile ałkaholu. Raniej hramadzianin pryciahvaŭsia da kryminalnaj adkaznaści za chulihanstva.
Maskoŭski (h. Minska) rajonny adździeł Śledčaha kamiteta ŭ dačynieńni da mužčyny pačaŭ kryminalnuju spravu pa č. 1 art. 339 KK Respubliki Biełaruś («Chulihanstva»).
