Edzin Džeka, hieroj Uefa.com
Try pieršyja matčy 1/4 finału Lihi čempijonaŭ skončylisia z roźnicaj u try miačy.
Tak «Roma» tydzień tamu prajhrała ŭ haściach «Barsiełonie» 1:4, i siońnia sprabavała adyhracca. I paśpiachova heta zrabiła — 3:0. Hały Džeka, De Rosi i Manołasa, i za košt miača na «Kamp Noŭ» rymski kłub idzie ŭ paŭfinał.
Cikava, što i de Rosi i Manołas zabili tydzień tamu ŭ svaje varoty.
Tydzień tamu «Livierpul» na svaim «Enfiłdzie» razhramiŭ lidara anhlijskaj premjer-lihi «Mančester Sici» ź likam 3:0.
Napačatku zdavałasia, što prablema «Sici» taksama całkam vyrašalnaja, Habryel Žezus zabiŭ užo na 2-j chvilinie. Ale Machamied Sałach zraŭniaŭ lik na 56-j, a na 76-j Rabierta Firmina pastaviŭ pieramožnuju kropku — 1:2 i ŭ paŭfinał vychodzić «Livierpul».
I «Barsiełona», i «ManSici» ŭpeŭniena lidzirujuć u svaich čempijanatach.
Liverpool FC
* * *
U sieradu hulajuć «Reał» i «Juvientus» (pieršy matč 3:0) i «Bavaryja» — «Sievilja» (pieršy matč 2:1).
Paŭfinały projduć 24-25 krasavika i 1-2 maja. Finał — 26 maja ŭ Kijevie.