AP
Na słuchańniach u sudzie ŭ Łas-Vehasie raskryli sakret truka iluzijanista Devida Kapierfilda sa źniknieńniem hrupy ludziej sa sceny. Pra heta paviedamlaje Associated Press. Sudovaje raźbiralnictva pačałosia paśla pazovu brytanca Hevina Koksa, jaki atrymaŭ traŭmu ŭ listapadzie 2013 hoda padčas vykanańnia truka Kapierfilda ŭ hateli MGM Grand u Łas-Vehasie. Pazoŭ byŭ padadzieny ŭ 2014 hodzie.
Vyśvietliłasia, što padčas vykanańnia truka Koksa razam z hrupaj ludziej pavinny byli vyvieści pa ciomnych kalidorach na kuchniu hatela i zatym viarnuć na scenu. Pra heta ŭ sudzie raspavioŭ vykanaŭčy pradziusier Kapierfilda Krys Kienier, adznačaje The Guardian. Kampanija Kieniera Backstage Employment i Referral Inc taksama źjaŭlajecca adkazčykam pa spravie Koksa.
Padčas prachodu pa ciomnym pamiaškańni brytaniec pavaliŭsia i atrymaŭ traŭmy, lačeńnie jakich abyšłosia jamu ŭ $ 400 tys. Pa słovach advakata Koksa Bieniedykta Mareli, jaho padabaronnaha nie papiaredzili pra techniku biaśpieki padčas vykanańnia fokusu.
Advakat Džery Papovič, jaki pradstaŭlaŭ intaresy hatela, zajaviŭ, što za dziesiać chvilin da taho, jak Koks spuściŭsia sa sceny ŭ ciomnyja ŭnutranyja pamiaškańni, tam prachodziŭ Kapierfild, jaki pravieryŭ hatoŭnaść piersanału, jaki dapamahaje ludziam prajści pa kalidorach.
61-hadovy Kapierfild staŭ prafiesijnym iluzijanistam ŭ 12 hadoŭ. Časopis Forbes aceńvaje jaho majomaść u $ 61,5 młn.
