U piatnicu prajšoŭ centralny matč 27‑ha turu čempijanatu Biełarusi pa futbole. U vočnym supraćstajańni na stadyjonie «Traktar» syšlisia lidery pieršynstva MTZ‑RIPA i BATE.
Matč byŭ vyniesieny na piatnicu pa prośbie barysaŭskaha klubu, jaki ŭ nastupny aŭtorak praviadzie čarhovuju hulniu hrupavoha etapu Lihi čempijonaŭ suprać picierskaha «Zenitu». Mnohija hulcy abiedźviuch kamand jašče niadaŭna apranali majki nacyjanalnaj i moładzievaj zbornaj Biełarusi, tamu i adčuvałasia niekatoraja stoma.
Bolšuju pałovu hulni kluby hulali biez udaraŭ pa varotach, zatoje chapała hrubaści. Tolki naprykancy BATE zmoh krychu ŭźvincić temp, ale zabić tak i nie atrymałasia — 0:0.
Ciapier BATE maje 57 punktaŭ (paśla 25 hulniaŭ), u MTZ‑RIPA — 51 (27), mienskaje «Dynama» — 50 (26). Dla taho, kab zavajavać piaty čempijonski tytuł u svajoj historyi barysaŭcam treba atrymać dźvie pieramohi ŭ piaci apošnich sustrečach.
