Rekanstrukcyja źniešniaha vyhladu ichtyjazaŭraŭ. manchester.ac.uk.
Pareštki ichtyjazaŭraŭ vyjaŭlenyja pa ŭsim śviecie ŭ samych roznych miescach. Hetyja reptylii žyli ŭ akijanach rańniaha tryjasu i poźniaha krejdavaha pieryjadu. Kostki novaj asobiny byli znojdzienyja la Brystala i dazvolili navukoŭcam acanić nie tolki asobnyja kaniečnaści, ale i ŭsiu reptyliju całkam. Daśledčyki adznačajuć, što kankretna hety ichtyjazaŭr adroźnivaŭsia vielizarnym pamieram navat siarod svaich surodzičaŭ.
Kostki znajšoŭ palaŭničy za vykapniami Poł de ła Sal u 2016 hodzie na plažy Liłstoka, prykładna za 80 km ad Brystala. Spačatku jon padumaŭ, što heta prosta staraja paroda, ale, uvažliva vyvučyŭšy linii i vypukłaści, pryjšoŭ da vysnovy, što pierad im vielizarnaja zakamianiełaść, jakaja moža być častkaj skivicy staražytnaha drapiežnika. Jon vyklikaŭ na raskopki ekśpiertaŭ, jakija pryjšli da vysnovy, što hetaja asobina — samaja bujnaja ź viadomych na siońnia.
