Ranicaj u sieradu na zaklik lidara apazicyjnaha ruchu Armienii Nikoła Pašyniana ŭ Jerevanie adnavilisia akcyi pratestu suprać dziejučaj ułady, ludzi stali pierakryvać hałoŭnyja darohi horada, paviedamlaje Interfaks.
U sieradu ranicaj mielisia adbycca pieramovy Pašyniana i v.a. premjera Karena Karapieciana, adnak jany byli admienienyja.
Pašynian zajaviŭ, što nie dapuścić praviadzieńnia ŭ krainie pazačarhovych parłamienckich vybaraŭ va ŭmovach, pakul urad ŭznačalvaje pradstaŭnik kirujučaj Respublikanskaj partyi.
«Na pasadu premjera pavinien być pryznačany kandydat naroda, paśla hetaha pavinna być sfarmiravany časovy ŭrad, a ŭžo paśla hetaha mohuć być praviedzieny pazačarhovyja parłamienckija vybary», — adznačyŭ Pašynian. Raniej jon davaŭ zhodu ŭznačalić časovy ŭrad.
Tym časam da pratestaŭ dałučyłasia inšaja bujnaja apazicyjnaja palityčnaja siła — partyja «Kvitniejučaja Armienija», zaklikaŭšy svaich prychilnikaŭ vyjści na vulicy.
«Zaklikajem usich svaich adnapartyjcaŭ mabilizavacca ŭ Jerevanie i abłaściach Armienii, vyjści na vulicy, być pobač z narodam. My zaŭsiody byli z narodam», — havorycca ŭ zajavie partyi.
