AP Photo / Massoud Hossaini
Adkaznaść za vybuchi ŭ Kabule ŭ paniadziełak ranicaj ŭziała na siabie hrupoŭka «Isłamskaja dziaržava».
Kolkaść zahinuŭšych u vyniku dvuch vybuchaŭ pavialičyłasia da 29, bolš za 40 čałaviek atrymali ranieńni, paviedamlaje ria.ru sa spasyłkaj na telekanał TOLOnews i ministerstva achovy zdaroŭja krainy.
Raniej paviedamlałasia, što achviarami vybuchaŭ staŭ 21 čałaviek, kala 50 paciarpieli.
Pa dadzienych palicyi, pieršy vybuch učyniŭ teraryst-śmiarotnik na matacykle. Druhi vybuch adbyŭsia ŭ tym ža rajonie prykładna praz 20 chvilin paśla pieršaha, kali na miesca zdareńnia prybyli žurnalisty i słužby ekstranaj dapamohi, vybuchovaje prystasavańnie taksama pryvioŭ u dziejańnie teraryst-śmiarotnik.
Zahinuli siamiora žurnalistaŭ i apierataraŭ, u tym liku fatohraf ahienctva Frans Pres Ša Marai.