Mižnarodnyja reziervovyja aktyvy Respubliki Biełaruś na 1 maja 2018 hoda, pa papiarednich źviestkach, skłali 7 038,1 młn. dalaraŭ ZŠA (u ekvivalencie), paviedamlaje pres-słužba Nacbanka.
Za krasavik 2018 hoda zołatavalutnyja reziervy vyraśli na 43,5 młn. dalaraŭ ZŠA (na 0,6 pracenta) paśla źnižeńnia ŭ sakaviku 2018 hoda na 98,8 młn. dalaraŭ ZŠA (na 1,4%).
Pavieličeńniu ŭzroŭnia mižnarodnych reziervovych aktyvaŭ u krasaviku spryjali kupla zamiežnaj valuty Nacyjanalnym bankam na tarhach AAT «Biełaruskaja valutna-fondavaja birža», pastupleńnie srodkaŭ ad prodažu na ŭnutranym rynku Nacyjanalnym bankam i Ministerstvam finansaŭ ablihacyj, naminiravanych u zamiežnaj valucie, pastupleńnie zamiežnaj valuty ŭ biudžet, u tym liku ad źbirańnia ekspartnych pošlin na naftu i naftapradukty.
Uradam i Nacyjanalnym bankam u krasaviku vykanana źniešnich i ŭnutranych abaviazacielstvaŭ u zamiežnaj valucie na sumu kala 332 młn. dalaraŭ ZŠA.
