Reuters.com
Na čempijanacie śvietu pa chakiei zbornaja Biełarusi prajhrała zbornaj Šviejcaryi ź likam 2:5 (2:2, 0:1, 0:2).
Biełarusy pieršymi prapuścili, a zatym nie tolki zraŭniali lik, ale navat vyjšli napierad u pieršym pieryjadzie — 2:1. Šviejcarcy chutka lik zraŭniali, a potym i daviali matč da pieramohi.
Takim čynam u biełarusaŭ na čempijanacie čatyry parazy ŭ čatyroch hulniach. Praŭda, paśla treciaj parazy Dejv Ljuis pakinuŭ pasadu hałoŭnaha treniera, siońnia byŭ pieršy matč pad kiraŭnictvam Siarhieja Puškova.
Rasija, Šviecyja — 9 (3 hulni), Šviejcaryja — 9 (4), Čechija, Słavakija — 4 (3 hulni), Francyja — 3 (3), Aŭstryja — 1 (3), Biełaruś — 0 (4).
11 maja, u piatnicu, biełarusy hulajuć z Čechijaj, 12 maja — z Aŭstryjaj (17:15), 15-ha — sa Słavakijaj.
Kamanda, što zojmie apošniaje miesca ŭ hrupie pakidaje elitu, pry tym, što Słavakija ad hetaha vyletu zastrachavanaja, bo ŭ nastupnym hodzie čempijanat śvietu projdzie ŭ hetaj krainie.
Samym važnym dla biełarusaŭ budzie matč u subotu z Aŭstryjaj.
