Razam z Bukmiekierskaj kantoraj Marafon my praciahvajem sačyć za čempijanatam Biełarusi!
Zdajecca, što čempijanat zusim niadaŭna pačaŭsia, a ŭžo zhulanaja jaho piataja častka. Usio bolš zrazumiełym stanovicca, jakija kamandy buduć zmahacca za miedali, a jakija za vyžavańnie. Pakul niajasna tolki, čaho čakać ad bresckich dynamaŭcaŭ. Kamandu-favaryta vidavočna lichamanić. Hulnia «Dynama» z «Viciebskam» pavinna stać centralnaj u hetym tury.
«Minsk» — «Słuck»
- 11.05 / 19:30. Stadyjon FK «Minsk»
- Kaeficyjenty: «Minsk» (pieramoha) — 3,08, ničyja — 2,875, «Słuck» (pieramoha) — 2,55.
«Słuck» śviatkuje pieramohu nad «Smalavičami». Fota z vk.com.
«Minsku» nijak nie ŭdajecca zdabyć pieršuju ŭ čempijanacie pieramohu. Kamanda ŭžo zvaliłasia ŭ zonu vyletu. Krychu navat kryŭdna za heta, bo «haradžanie» z tych kamand, jakija kujuć kadry ŭłasnymi siłami. Heta adna z najmacniejšych dziciačych škoł na siońniašni dzień. U kamandzie amal adny junaki. Ź vieteranaŭ — tolki hałkipier Siarhiej Vieramko, jaki staŭ ńjuśmiejkieram minułaha tura, atakavaŭšy paśla hulni z «Viciebskam» hałoŭnaha arbitra sustrečy.
«Słuck» najpierš pryciahvaje da siabie ŭvahu bliskučaj hulnioj ich bambardzira Jaŭhiena Šykaŭki. Na rachunku hulca ŭžo piać zabitych miačoŭ. Heta bolej, čym u dzieviaci kamand z šasnaccaci ŭ vyšejšaj lizie. Vidavočna, što chłopcu vielmi chaciełasia b zabić u piatnicu i Vieramko.
Prahnoz «NN»: totał mienšy za 2,5.
«Smalavičy» — «Dniapro»
- 12.05 / 15:30. FAK «Kastryčnicki»
- Kaeficyjenty: «Smalavičy» (pieramoha) — 3.08, ničyja — 2.875, «Dniapro» (pieramoha) — 2.55
U «Smalavičaŭ», jak i ŭ «Minska», pakul niama pieramoh. Try ničyje pry troch parazach. Chacia hulnia vielmi časta pakidaje dobryja ŭražańni, jak, naprykład, u matčy z bresckim «Dynama». Dla takich małych kalektyvaŭ, jak «Smalavičy», zadača nie vylecić u pieršy ž siezon pavinna być pryjarytetnaj.
«Dniapro» daŭ sapraŭdny boj BATE ŭ apošnim tury. Kamandu napierad vioŭ Alaksandr Paŭłaŭ, jaki šmat hadoŭ addaŭ barysaŭskamu kalektyvu, byŭ adnym ź lubimčykaŭ tarsidy. Ciapier Paŭłaŭ vyznačaje hulniu rodnaj dla siabie kamandy. «Dniapro» badziora pačaŭ čempijanat, ale zaraz trochu zatarmaziŭ. Hulnia ŭ Smalavičach — nahoda nabyć novaje dychańnie dla hulcoŭ i trenieraŭ.
Prahnoz «NN»: «Dniapro» nie prajhraje.
«Homiel» — «Tarpieda-BiełAZ»
- 12.05 / 17:30. Stadyjon «Centralny»
- Kaeficyjenty: «Homiel» (pieramoha) — 3.08, ničyja — 2.875, «Tarpieda-BiełAZ» (pieramoha) — 2.55
Bahdan Myšanka zabiŭ kłasny hoł bresckamu «Dynama». Fota z vk.com.
Hamielčuki nu zusim nie ŭražvajuć u hetym čempijanacie. Kali ŭ inšych kamand, što znachodziacca na dnie, jašče byvajuć jarkija ŭspyški, to «zialona-biełyja» hladziacca nu zusim nudna. I navat šmatlikija lehijaniery kamandu nie ratujuć. Trenieru kamandy samy čas zadumacca, što ź jahonym kłubam nie tak.
Žodzincy ž, naadvarot, vydali supierhulniu ŭ minułym tury. Pad koły BiełAZa trapili pižony z bresckaha «Dynama». «Tarpieda» zabiła dva miačy, nie daŭšy šancaŭ na revanš. Asabliva pryhožym vydaŭsia hoł u Bahdana Myšanki, jaki čarpačkom zakinuŭ miač za kaŭnier Alaksandra Hutara. Žodzina ŭžo na trecim miescy ŭ tablicy, i nižej apuskacca kamanda jaŭna nie maje namieru.
Prahnoz «NN»: pieramoha «Tarpieda-BiełAZ».
«Dynama» (Brest) — «Viciebsk»
- 12.05 / 19:30. Stadyjon «Brescki»
- Kaeficyjenty: «Dynama-Brest» (pieramoha) — 1.80, ničyja — 3.22, «Viciebsk» (pieramoha) — 5.05
A ciapier pierachodzim da centralnaj hulni tura. «Dynama» na dadzieny momant znachodzicca tolki na 11-m miescy! A kolki było pantoŭ, što kamanda adbiare čempijonstva ŭ BATE. Vidać, niešta ŭ razdiavałcy kamandy nie tak. Trenier šmat krytykuje Paŭła Savickaha, jaki, pa niekatorych źviestkach, zarablaje ŭ «Dynama» 20 tysiač dalaraŭ u miesiac. Inšyja zorki majuć taksama adpaviednaje ŭznaharodžańnie. Kažuć ža, što vialikija hrošy psujuć. Kali Brest nie pieramoža ŭ finale Kubka ŭ BATE, to češskaha treniera kamandy Radasłava Łatała, najchutčej, adpraviać u adstaŭku.
«Viciebsk» ža idzie ŭ hrupie lidaraŭ. Kamanda vidavočna maje namier skončyć čempijanat u pieršaj piaciorcy. Asabliva fajny pa viaśnie brazilski vieteran kamandy Rafael Ledesma, jaki staŭ sapraŭdnym važakom kamandy. U minułym tury «Viciebsk» navat biez dyskvalifikavanaha bramnika Dźmitryja Huščanki vyrvaŭ pieramohu ŭ «Minska».
Prahnoz «NN»: totał bolšy za 2,5.
«Šachcior» — «Isłač»
- 13.05 / 15:00. Stadyjon «Budaŭnik»
- Kaeficyjenty: «Šachcior» (pieramoha) — 1.60, ničyja — 3.38, «Isłač» (pieramoha) — 7.00
«Šachcior», mabyć, moža zaličyć sabie ŭ aktyŭ nulavuju ničyju ź minskim «Dynama». Bo pačatak siezona ŭ «harniakoŭ» byŭ zusim biazradasnym. Ciapier kamanda pacichu pačynaje padymacca z hłybiniaŭ turnirnaj tablicy. Śpiecyjalisty adznačajuć, što ŭ salihorcaŭ źjaviłasia bolš fizičnaj siły, što dazvalaje dabivacca dobrych vynikaŭ.
«Isłač» zhulała samy haračy matč minułaha tura. U hulni z «Niomanam» było zabita najbolš miačoŭ. A paśla sustrečy razyšoŭsia nastaŭnik «vaŭkoŭ» Vital Žukoŭski. Heta ciažka pieradać słovami, lepš prosta pahladzieć. I chaj heta miažuje z chamstvam, ale takich žyvych emocyj biełaruskamu futbołu časam, vidavočna, brakuje.
Prahnoz «NN»: pieramoha «Šachciora».
«Nioman» — «Haradzieja»
- 13.05 / 17:15. CSK «Nioman»
- Kaeficyjenty: «Nioman» (pieramoha) — 1.80, ničyja — 3.22, «Haradzieja» (pieramoha) — 5.05
«Nioman» zdabyŭ u cełym kłasnuju pieramohu ŭ «Isłačy» ŭ minułym tury. Zasmučaje pakul tolki toj fakt, što hrodziency pieramohi zdabyvajuć vyklučna ŭ Minsku, a voś na chatniaj arenie paradavać zaŭziataraŭ nijak nie mohuć. Ź minułaha tura amataram zapomnicca hruzinski abaronca «Niomana» Kantaryja, jaki raźbiŭ nos supierniku. Hulcy «Haradziei» niachaj buduć aściarožnymi.
«Haradzieja» ŭpuściła mahčymaść u minułym tury zdabyć pieršuju pieramohu. Šery «Homiel» byŭ jakraz takim supiernikam, jakoha možna było brać. Ciapier pieramoh možna začakacca jašče doŭha. Dy i trenier kamandy skazaŭ, što pakul «Haradzieja» tolki «cierpić i vyžyvaje».
Prahnoz «NN»: «Nioman» nie sastupić.
BATE — «Tarpieda»
- 13.05 / 19:30. «Barysaŭ-Arena»
- Kaeficyjenty: BATE (pieramoha) — 1.10, ničyja — 8.70, «Tarpieda» (pieramoha) — 25.00
Šeść matčaŭ — šeść pieramoh. BATE nie spynić, nie raźbić, nie strymać. Kamanda demanstruje adnačasova i śpiełuju, i nie vielmi enierhazatratnuju hulniu. Zabivaje roŭna stolki, kolki treba dla pieramohi. Darečy, pra pieramohi. Z 9 Maja hulcy i treniery BATE pavinšavali svaich zaŭziataraŭ pa-biełarusku, pradekłamavaŭšy vierš Pimiena Pančanki «Dziaŭčaty myjuć tank». Źviarnicie ŭvahu na biełaruskaje vymaŭleńnie Ihara Stasieviča.
Minskaje «Tarpieda» vielmi badziora pačało čempijanat. Ale ciapier usio bolej skatvajecca na dno tablicy. I nie skazać ža, što «aŭtazavodcy» hetak słaba hladziacca, ale kamandzie tatalna nie šancuje. Pryjezd lehiendarnaha kłuba paśla adradžeńnia na «Barysaŭ-Arenu» — heta znakavaja padzieja, ale ŭ hetaj hulni minčukam ničoha nie śviecić.
Prahnoz «NN»: bujnaja pieramoha BATE.
«Pramień» — «Dynama» (Minsk)
- 14.05 / 19:30. SAK «Alimpijski»
- Kaeficyjenty: «Pramień» (pieramoha) — 7.80, ničyja — 3.90, «Dynama-Minsk» (pieramoha) — 1.47
Raniej pra «Pramień» śmiajalisia, što hetaja kamanda zanadta mocnaja dla pieršaj lihi, ale zanadta słabaja dla vyšejšaj. Paśla dźviuch pieramoh zapar «Pramień» zaniaŭ miesca ŭ siaredzinie tablicy. Vylatać z elity chłopcy jaŭna nie chočuć.
Minskaje «Dynama» pakul zasłuhoŭvaje tolki dobrych słovaŭ. U kamandy pakul niama nivodnaha projhryša. Upeŭnienaje druhoje miesca ŭ tablicy. I fajnyja šancy na zmahańnie z BATE za čempijonstva.
Prahnoz «NN»: pieramoha «Dynama».
Znoŭ zaklikajem vas chadzić na stadyjony i zaŭzieć za ŭlubionyja kłuby. Inšych u nas niama. A kab prahlad futbołu byŭ bolš cikavym, raim zrabić staŭku ŭ Bukmiekierskaj kantory Marafon!
