Zbornaja Biełarusi pa chakiei praviała apošniuju hulniu na chakiejnym pieršynstvie. U matčy, jaki ŭžo ničoha nie vyrašaŭ (u tym liku dla słavakaŭ), biełarusy prajhrali 4:7.
Pryčym prapuścili ŭžo na 18-j siekundzie, potym słavaki zabili jašče adnu šajbu — 0:2. U druhim pieryjadzie biełarusy zdoleli zraŭniać lik — 2:2, pratrymalisia bolš za pałovu treciaha pieryjada, i navat vyjhravali 4:3, ale ŭ vyniku paraza — 4:7.
Biełarusy prajhrali ŭsie matčy na ČS: šviedam (0:5), Francyi (2:6), Rasii (0:6), Šviejcaryi (2:5), Čechii (0:3), Aŭstryi (0:4) i Słavakii (4:7).
Zbornaja pakidaje elitny dyvizijon, u jakim pastajanna hulała z 2005 hoda. Supiernikami ŭ nastupnym hodzie biełarusaŭ u dyvizijonie 1A buduć Vienhryja, Słavienija, Kazachstan, Litva i Paŭdniovaja Kareja.
