Aŭtakran u Lidzie paškodziŭ 12 aŭtamabilaŭ, paviedamlaje DAI UUS Hrodzienskaha abłvykankama.
Avaryja adbyłasia dniom 15 maja. Kiroŭca aŭtakrana pryjechaŭ da adnaho z pradpryjemstvaŭ Lidy, spyniŭsia kala kraju prajeznaj častki i adłučyŭsia na 10 chvilin. Viarnuŭšysia, mužčyna svajoj techniki nie znajšoŭ.
Aŭtakran pačaŭ advolny ruch i «sabraŭ» z pravaha boku šeść aŭtamabilaŭ. Ad udaru jaho adkinuła praz raździalalnuju pałasu na druhi bok darohi i parkoŭku, dzie paškodžańni atrymali jašče niekalki aŭto. Ahułam kran paškodziŭ 12 aŭtamabilaŭ. Na ščaście, ludziej na šlachu mašyny nie akazałasia.
Pa fakcie DTZ pravodzicca pravierka.
0
0
0
0
0
0