Reuters.com
Kiraŭnik MZS Biełarusi Uładzimir Makiej ličyć, što siońnia krainam nieabchodny dyjałoh, kab vyrašać prablemy, jakija mnohija nie zaŭvažajuć. Pra heta jon zajaviŭ žurnalistam da pačatku forumu «Minski dyjałoh».
— Dyjałoh patrebien tady, kali isnujuć niejkija prablemy, jakija padlahajuć vyrašeńniu. Ad «Minskaha dyjałohu» my čakajem, jak minimum, kanstruktyŭnaha abmierkavańnia prablem, jakija isnujuć u našym rehijonie, u śviecie, jakija nieabchodna vyrašać i na jakija niekatoryja palityčnyja dziejačy hladziać pahardliva ci nie zaŭvažajuć ich, — zajaviŭ Makiej.
Pa słovach kiraŭnika MZS, štučna ničoha nie zrobiš, krainie treba zajmać sumlennuju i pryncypovuju pazicyju pa ŭsich pytańniach. I Biełaruś, jak nichto, razumieje tuju situacyju kanfrantacyi, jakaja isnuje ŭ rehijonie.
Z nahody poŭnaj admieny sankcyj ES Makiej zajaviŭ, što ŭ hetym pytańni treba ruchacca pastupova.
- Ja nie mahu skazać, kali buduć admienienyja kančatkova ŭsie sankcyi. Ja liču, što, ruchajučysia krok za krokam napierad, my vyrašym usie pytańni, źviazanyja z admienaj sankcyj. Ale ŭzajemadziejańnia z našymi amierykanskimi i jeŭrapiejskimi partniorami, pakazvajuć, što siońnia my znachodzimsia ŭ situacyi, kali ŭsie baki imknucca da pastupovaha vyrašeńnia tych pytańniaŭ, jakija isnujuć z našymi partniorami.
