Prezident Polščy Andžej Duda zajaviŭ, što ličyć Rasiju samaj surjoznaj pahrozaj hłabalnaha śvietu, pieradaje Polskaje radyjo.
«Napad na Hruziju ŭ 2008 hodzie, a taksama niezakonnaja aneksija Kryma i vajennaja interviencyja va Ukrainie ŭ 2014 hodzie pakazvajuć realnyja namiery Rasii. Padziei apošnich dzion dakazali, što Kreml dazvalaje sabie rabić z vykarystańniem chimičnaj zbroi na terytoryi krain NATA i ŭmiešvacca ŭ demakratyčnyja pracesy», — dadaŭ Duda.
Taksama jon zaklikaŭ krainy-ŭdzielnicy NATA imknucca da ŭmacavańnia suviaziaŭ i adznačyŭ, što dla ZŠA najlepšaj inviestycyjaj źjaŭlajecca stabilnaść i biaśpieka ŭ Jeŭropie.
«Dla ŭsich nas važna raźvićcio palityki biaśpieki i abaronnaha supracoŭnictva ŭ Jeŭrasajuzie, a taksama raźvićcio supracoŭnictva ES z ZŠA. Umacavańnie abaranazdolnaści jeŭrapiejskich krain pašyraje mahčymaści ŭsiaho Paŭnočnaatłantyčnaha aljansu, u tym liku ZŠA», — padkreśliŭ Duda.
