Reuters.com
Daktary balnicy ŭ Sołśbiery, dzie paśla atručvańnia prachodzili lačeńnie były supracoŭnik HRU Siarhiej Skrypal i jaho dačka Julija, stali haściami prahramy Newsnight na Bi-bi-si, jakaja vyjdzie ŭ efir 29 maja. Vytrymki ź intervju ŭ noč na 29 maja apublikavanyja na staroncy prahramy ŭ Twitter.
«Ja dumaju, što značnaja častka palapšeńniaŭ i pośpiechu ŭ lačeńni hetych ludziej źviazana ź vielmi dobraj bazavaj intensiŭnaj terapijaj hienieryčnymi preparatami, vydatnaj kalektyŭnaj pracaj daktaroŭ, fantastyčnym kłopatam i addanaściu našych miedsiaścior», - skazaŭ zahadčyk adździaleńnia intensiŭnaj terapii Dunkan Miurej.
«I ja miarkuju, što padtrymali i ŭnieśli svoj niemały ŭkład vielmi dobra infarmavanyja mižnarodnyja ekśpierty — niekatoryja ź ich, na ščaście, apynulisia prosta ŭ nas na parozie, u tym liku z «Parton-Dauna» (trenirovačny centr pa abaronie ad chimičnaj, bijałahičnaj, radyjełahičnaj i jadziernaj niebiaśpieki blizu Sołśbiery)», - dadaŭ jon.
