Novy ŭrad Italii budzie vystupać suprać sankcyj, uviedzienych zachodnimi krainami ŭ dačynieńni da Rasii. Pra heta zajaviŭ u aŭtorak, 5 červienia, novy premjer-ministr krainy Džuzepe Konte ŭ vierchniaj pałacie parłamienta (sienacie), pieradaje Il Fatto Quotidiano.
Pavodle jaho słoŭ, ZŠA tradycyjna zastajucca sajuźnikam Ryma, adnak novy kabiniet ministraŭ taksama nastrojeny na adkrytaść u adnosinach da Rasii.
U sienacie 5 červienia pavinna prajści hałasavańnie pa votumu davieru novamu kabinietu, jaki składajecca z pradstaŭnikoŭ partyj «Ruch piaci zorak» i «Liha Poŭnačy». Skład urada byŭ zaćvierdžany prezidentam krainy Sierdža Matarełaj 1 červienia, tady ž jaho členy skłali prysiahu i ŭstupili na pasadu.
U pačatku sakavika ŭ Italii adbylisia parłamienckija vybary, pa vynikach jakich bolšaść hałasoŭ vybarščyki addali jeŭraskieptykam i papulistam.
