U Biełarusi kolkaść invalidaŭ, jakija stajać na ŭliku ŭ orhanach pa pracy, zaniataści i sacyjalnaj abaronie składaje 511,6 tys. čałaviek, što składaje 5,287% da ŭsiaho nasielnictva krainy.
Najbolšaja kolkaść invalidaŭ, siarod rehijonaŭ krainy, naličvajecca ŭ Miensku (108,8 tys. čałaviek). U ahulnaj kolkaści invalidaŭ 72,4 tys. čałaviek majuć pieršuju hrupu invalidnaści, 273, 6 tys. – druhuju, 138,1 tys. – treciuju. U krainie naličvajecca 27,4 tys. dziaciej-invalidaŭ va ŭzroście da 18 hadoŭ, paviedamlaje BIEŁTA.
Ličba ŭ 5-7% kolkaści ludziej, što majuć fizyčnyja adchileńni (invalidnaść), prykładna adnolkavaja dla bolšaść krain. Tak, u Rasiei naličvajecca kala 11 młn invalidaŭ, što składaje kala 7% nasielnictva, va Ŭkrainie - 3 młn (kala 6%). Siarod krain ES najbolšaja kolkaść invalidaŭ u Estonii, tut kala 8 pracentaŭ nasielnictva atrymlivajuć sacyjalnyja dapamohi z pryčyny invalidnaści.
Siaredni pamier pensii pa invalidnaści ŭ Biełarusi składaje 357 tys. 200 rubloŭ. U Rasiei pensija pa invalidnaści składaje 3 457 rubloŭ (heta prykładna 275 tys. biełaruskich).
