Reuters.com
Prezident ZŠA Donald Tramp pryniaŭ rašeńnie ab praciahu na hod dziejańnia amierykanskich sankcyj suprać šerahu hramadzian Biełarusi i členaŭ urada krainy. Pra heta, jak adznačaje Tut.by, paviedamiła pres-słužba Biełaha doma.
Miery, pryniatyja amierykanskim uradam suprać biełaruskich čynoŭnikaŭ, pavinny byli dziejničać da 16 červienia 2018 hoda. Novym rašeńniem sankcyi praciahnuli jašče na hod — da červienia 2019 hoda.
«Dziejańni i palityka peŭnych členaŭ urada Biełarusi i inšych asob praciahvajuć stvarać nieardynarnuju i vyklučnuju pahrozu dla nacyjanalnaj biaśpieki i zamiežnaj palityki ZŠA», — havorycca ŭ zajavie Biełaha doma.
Cankcyi ŭ dačynieńni da Alaksandra Łukašenki i šerahu čynoŭnikaŭ i členaŭ ich siemjaŭ, byli ŭviedzienyja 16 červienia 2006 hoda Džordžam Bušam. Nahodaj stali prezidenckija vybary ŭ Biełarusi, jakija u ZŠA i ES pryznali niedemakratyčnymi.
Zaraz u śpisie dziesiać čałaviek:
Alaksandr Łukašenka, Viktar Łukašenka, Lidzija Jarmošyna, Viktar Hałavanaŭ, Viktar Šejman, Dźmitryj Paŭličenka, Ściapan Sucharenka, Alaksandr Zimoŭski, Uładzimir Navumaŭ i Natalla Piatkievič.
Ukazam błakujecca ŭłasnaść i prava na ŭłasnaść u ZŠA, rachunki i mahčymaść finansavych apieracyj. Amierykanskim kampanijam i pryvatnym asobam zabaroniena zaklučać ździełki z hetymi słužbovymi asobami.
