Na samicie G7 u Kvebeku, fota z instahrama Anhieły Mierkiel
Jeŭrapiejskija ŭdzielniki «vialikaj siamiorki» i Kanada adchilili prapanovu Trampa ab viartańni Rasii ŭ farmat «vialikaj vaśmiorki». Ab adzinaj ahulnaj pazicyi jeŭrapiejcaŭ zajaviła na pres-kanfierencyi paśla samita G7 kancler FRH Anhieła Mierkiel.
Taksama inšyja sproby vyrašyć supiarečnaści pamiž prezidentam ZŠA i šaściu krainami «Vialikaj siamiorki» padčas pieramoŭ na samicie G7 ŭ Kviebieku pravalilisia.
Roznahałośsi datyčacca ŭ asnoŭnym pytańniaŭ handlu. Partniory ZŠA aburanyja niadaŭnim rašeńniem Trampa ŭvieści pošliny na impart aluminija i stali. Supiarečnaści pamiž krainami dasiahnuli takoha razmachu, što ekśpierty i palityki zahavaryli ab handlovaj vajnie, paviedamlaje Bi-bi-si
Pazicyi ZŠA i šaści inšych krain «Vialikaj siamiorki» mocna razychodziacca i pa inšych pytańniach, u tym liku adnosna Paryžskaha pahadnieńnia pa klimacie, jadziernaj uhody ź Iranam i ŭrehulavańnia paleścina-izrailskaha kanfliktu.
Tramp pakinuŭ Kviebiek u subotu pieršym ź lidaraŭ G7 i za niekalki hadzin da aficyjnaha zaviaršeńnia samitu: jon nie zastaŭsia na pieramovy pa prablemie źmianieńnia klimatu i ekałohii akijanaŭ.