Śledčy kamitet 9 červienia raspačaŭ kryminalnuju spravu pa fakcie zabojstva Nastaśsi Tałyš, pra heta paviedamlaje aficyjnaja pradstaŭnica USK pa Mahiloŭskaj vobłaści Aksana Salaniuk.
Nastaśsiu Tałyš šukali z 29 maja. Jana vučyłasia ŭ Žylickim sielhaskaskaledžy, u toj dzień viartałasia ŭ svaju viosku Paŭłavičy (Kiraŭski rajon, Mahiloŭskaja vobłaść), ale dadomu nie dajšła.
Praz tydzień dziaŭčynu znajšli miortvaj. Pa słovach miascovych žycharoŭ, za prypynkam, na jakim vyjšła Nastasiaja, znachodzicca biarozavy lasok. Tam i lažała cieła dziaŭčyny.
«Zaviedzienaja kryminalnaja sprava pa fakcie zabojstva (č. 2 art. 139 Kryminalnaha kodeksa Biełarusi) Nastaśsi Tałyš, jakaja ličyłasia bieź viestak źnikłaj z 1 červienia 2018 hoda», — raspaviali ŭ SK.
«Dla vyjaŭleńnia dakładnaj pryčyny śmierci dziaŭčyny pryznačana praviadzieńnie sudova-miedycynskaj ekśpiertyzy. Praviarajucca i vyśviatlajucca ŭsie abstaviny złačynstva, razhladajucca roznyja viersii jaho ździajśnieńnia. U hetych metach daśledujucca rečavyja dokazy, vyvučajecca ład žyćcia paciarpiełaj», — dadali ŭ viedamstvie.
