Varta z 12 da 24 hadziny štodnia, adkazvać za jakuju buduć 7 arhanizacyj — sustaršynia partyi BCHD Pavał Sieviaryniec paviedamiŭ Radyjo Svaboda, što tak zvany plan «Čacholskaha-Daškieviča» zaćvierdziać 11 červienia.
Plan budzie raspracavany pa prapanovie adkaznaha sakratara ŭpravy sojmu KCHP BNF Alesia Čacholskaha i hramadzkaha aktyvista Źmitra Daškieviča. Adkazvać za vartu biarucca 7 arhanizacyj: «Alternatyva», Ruch salidarnaści «Razam», Biełaruskaja Chryścijanskaja demakratyja, Biełaruski Narodny front, Małady front, Kanservatyŭna-Chryścijanskaja partyja — BNF, «Eŭrapejskaja Biełaruś».
Pavał Sieviaryniec paviedamiŭ, što 10 červienia pratesty kala restaracyi praciahvajucca. U ich udzielničajuć 10 čałaviek. Naviednikaŭ restarana niašmat. Niekatoryja ź ich raźviartajuć aŭtamabili, kali bačać pratestoŭcaŭ i atrymlivajuć ulotki ź infarmacyjaj pra Kurapaty.
Na aktyvistaŭ Natallu Haračka i Dzianisa Urbanoviča skłali pratakoły supracoŭniki DPS za znachodžańnie na prajeznaj častcy.
11 červienia ŭ 12.15 kala bramy restarana «Pojediem pojedim» adbudziecca narada, na jakoj zaćvierdziać novy plan varty.
12 červienia ŭ 12.30 na hetym miescy źbiarecca «jurydyčnaja kamisija». Buduć padrychtavanyja zvaroty ŭ Ministerstva kultury, Mienski rajonny vykanaŭčy kamitet, Mienski abłasny vykanaŭčy kamitety, Kamitet pa dziaržaŭnym kantroli i Ministerstva handlu. U zvarotach aktyvisty i eksperty patrabujuć «začynić, źnieści albo pieranieści hety budynak», — paviedamiŭ Pavał Sieviaryniec Radyjo Svaboda.
