Fota cnn |
Maradona, jakomu zaŭtra spaŭniajecca 48 hadoŭ, pahadziŭsia stać hałoŭnym trenieram zbornaj, a Biłarda — hieneralnym dyrektaram zbornaj.
Maradona zamienić Alfijo Basile na pasadzie hałoŭnaha treniera zbornaj, jaki, nahadajem, pryvoziŭ «bjanka‑seleste» ŭ Miensk.
«Maja asnoŭnaja praca budzie zaklučacca ŭ tym, kab nazirać za hulcami, — skazaŭ Maradona. — Mnie treba pahutaryć z kožnym paasobku, a potym užo prystupim da trenirovak», cytuje jahonyja słovy Sport-Ekspriess.
U Dyjeha Maradony — adnaho z najlepšych futbalistaŭ suśvietnaha futbołu (jon — čempijon śvietu-1986 — i vice-čempijon-1990) užo byŭ vopyt trenierskaj pracy. U 1994 jon kiravaŭ arhientynskimi klubami «Departyva» i «Rasinh».
Z futbołam Maradona kančatkova raźvitaŭsia ŭ 37 hadoŭ, doŭhi čas lačyŭsia ad narkazaležnaści, zmahaŭsia z atłuścieńniem. Paśla apošniaj aperacyi Dyjeha Maradona skinuŭ 30 kilahramaŭ vahi dy viarnuŭsia da aktyŭnaha žyćcia. Niadaŭna voś naviedaŭ Tbilisi.