Baćki budučych školnikaŭ, jakija chočuć navučać dziaciej pa-biełarusku, 12 červienia zanieśli zajavy ŭ himnaziju №4, ale jany nie ŭpeŭnienyja, što pieršy biełaruskamoŭny kłas u himnazii ŭsie ž taki adkryjuć.
Zajavy dyrektar himnazii №4 pryniaŭ ad dzieviaci siamiej. Ale i paśla hetaha ŭ baćkoŭ zastajucca sumnieńni:
— Dyrektar znoŭ prapanavaŭ nam źviarnucca ŭ škołu №16, ale ž my da apošniaha budziem zmahacca za adkryćcio kłasa mienavita ŭ himnazii, — raspaviała Intex-press Taćciana Małaščanka, maci adnoj z budučych pieršakłaśnic.
Čarha na padaču dakumientaŭ dla zaličeńnia ŭ pieršy kłas.
Pa słovach baćkoŭ, dyrektar himnazii papiaredziŭ, što pryjom zajavy nie aznačaje, što biełaruskamoŭny kłas budzie adkryty, ale pa čarhovaści ich dzieci traplać u ruskamoŭny kłas. A toje, što baćkam astatnich pieršakłaśnikaŭ nie prapanoŭvajuć na vybar biełaruskuju i ruskuju movy navučańnia, jany ličać dyskryminacyjaj.
Dyrektar himnazii №4 Vadzim Ščarbakoŭ raspavioŭ Intex-press, što pytańnie ab adkryćci małakamplektnych kłasaŭ było razhledžana na sustrečy baćkoŭ sa staršynioj harvykankama.
— Baćkam prapanavali sabrać 24 budučych pieršakłaśnikaŭ, kab adkryć biełaruskamoŭny kłas u himnazii, u inšym vypadku małakamplektny kłas prapanavali adkryć u škole №16, dzie dla hetaha jość usie ŭmovy, — adznačyŭ Vadzim Ščarbakoŭ. — Ciapier uźnikaje pytańnie: jany abirajuć movu navučańnia ci mienavita himnaziju. Baćki nie razumiejuć, što, kali ja stvaru kłas dla hetych dzieviaci dziaciej, mnie treba budzie admović 28 siemjam, jakija chacieli b vučyć dziaciej pa-rusku.
