Validatary z apłataj prajezdu bieskantaktavymi bankaŭskimi kartami pačali pracavać u testavym režymie na turnikietach usich stancyj staličnaj padziemki z 12 červienia. U niekatorych karystalnikaŭ uźnikajuć składanaści z apłataj, tamu pradpryjemstva pravodzić tłumačalnuju pracu, paviedamili BiełTA ŭ pres-słužbie Minskaha mietrapalitena.
«Dla apłaty prajezdu bieskantaktavym sposabam da validatara na pavierchni turnikieta nieabchodna prykładvać tolki adnu płastykavuju bankaŭskuju kartu abo tolki adzin elektronny prajazny dakumient Minskaha mietrapalitena, Minsktransa, - padkreślili na pradpryjemstvie. — Nielha padnosić adrazu niekalki kart razam. Skažam, kali jany znachodziacca ŭ partmane pobač adzin z adnym. Nieabchodna dastać adzin bieskantaktavy elektronny płaciežny nośbit i z dapamohaj jaho zrabić apłatu».
Raźličvacca za prajezd bieskantaktavym sposabam mohuć ŭładalniki kart Visa payWave i Mastercard Contactless. Kali jana prykładvajecca da validataraa, z rachunku aŭtamatyčna śpisvajecca 65 kapiejek - košt žetona. Apłata zajmaje ŭsiaho 0,5 siekundy. Akramia taho, dla bieskantaktavaj apłaty možna vykarystoŭvać ličbavyja mabilnyja pryłady z technałohijaj NFC (Near field communication), jakija sumiaščalnyja ź isnujučaj infrastrukturaj pa pryjomie bieskantaktavych kart)
