Prezident Litvy Dala Hrybaŭskajcie ličyć, što niebiaśpieka ŭvarvańnia Rasii ŭ Litvu isnuje, ale ŭ vypadku adekvatnaj abarony hetaha nie zdarycca. Pra heta jana zajaviła ŭ intervju Spiegel Online.
«Niebiaśpieka (rasiejskaha ŭvarvańnia — Red.) vialikaja, kali my nie budziem pastajanna abaraniacca. Kali my prademanstrujem, što možam i chočam abaraniacca, nas nichto nie napadzie», — pierakananaja kiraŭnica Litvy.
Pavodle jaje słoŭ, da mahčymaha napadu RF treba być hatovymi «palityčna i technałahična».
«Rasijskija vojski na miažy z Bałtykaj i Polščaj u dziesiać razoŭ macniejšyja, čym vojski NATA. Ale havorka idzie pra bolšaje, čym pra ličby. Havorka idzie pra abaviazalnictvy i volu da abarony. Kali našy ludzi i našy partniory padtrymlivajuć heta, u nas niama padstaŭ dla taho, kab nas akupavali», — dadała Hrybaŭskajcie.
Pa słovach prezidenta Litvy, zachodnija dziaržavy da hetaha času źjaŭlajucca naiŭnymi ŭ svajoj acency Rasii.
«Tolki kali ździejśnieny napad i jany zaŭvažajuć, što Rasija ŭmiešvajecca ŭ ich intaresy, špijonić za imi ci manipuluje ich vybarami, jany pračynajucca», — dadała Hrybaŭskajcie.
