Fota Vadzima Zamiroŭskaha
Čatyrochrazovaja alimpijskaja čempijonka Darja Domračava zajaviła pra zaviaršeńnie karjery. Pra heta bijatłanistka zajaviła siońnia na pres-kanfierencyi ŭ Minsku, što prajšła ŭ Nacyjanalnym alimpijskim kamitecie.
«Mnie niaprosta było sabracca i zaprasić vas. Ja doŭha dumała, ale pryjšoŭ čas rasstavić kropki nad «i». Paśla zakančeńnia siezona ja sprabavała znajści kampramis, jaki dazvoliŭ by mnie vychoŭvać dzicia i sumiaščać heta sa spartyŭnaj karjeraj. Na žal, ja nie znajšła aptymalnaha rašeńnia. Heta abdumanaje i nialohkaje rašeńnie, ale ja zaviaršaju karjeru. Čas u vialikim sporcie zastaniecca niezabyŭnym», — skazała Darja.
U Domračavaj — 34 pieramohi na etapach Kubka śvietu. Darja dvojčy stanaviłasia čempijonkaj śvietu pa bijatłonie — u 2012 i 2013-m hadach.
Na Alimpijskich hulniach Domračava zavajavała šeść miedaloŭ: u 2010-m biełaruska zavajavała bronzu ŭ indyvidualnaj honcy ŭ Vankuviery. U 2014-m jana vyjhrała try załatyja miedali (u honcy pieraśledu, indyvidualnaj honcy, mas-starcie), na Hulniach u Pchiončchanie ŭ 2018 h. Darja ŭziała srebra ŭ mas-starcie i zołata ŭ žanočaj estafiecie.
U lipieni 2016 h. Domračava vyjšła zamuž za słavutaha narviežskaha bijatłanista Ule-Ejnara Bjorndalena, u kastryčniku 2016 h. naradziła dačku, znajšła ŭ sabie siły viarnucca ŭ bijatłon, ale ciapier pryniała kančatkovaje rašeńnie syści.
Bjorndalen pryniaŭ rašeńnie zaviaršyć karjeru ŭviesnu.
