Zatrymańnie Natalli Haračka-Basałyha.
U Kurapatach kala restaracyi «Pajedziem, pajadzim» milicyja ŭ cyvilnym zatrymała aktyvistku Natallu Haračka-Basałyhu. Pra heta raspavioŭ belsat.eu abaronca Kurapataŭ Alaksiej Sihajeŭ.
Natalla Haračka-Basałyha pryjechała ŭ Kurapaty ŭ druhoj pałovie dnia. Jana raspaviała aktyvistam, što jaje ŭžo šukajuć milicyjanty — raniej tyja naviedvalisia da jaje siabroŭki. Prykładna praz paŭhadziny paśla źjaŭleńnia Haračka-Basałyhi da restaracyi padjechaŭ milicejski mikraaŭtobus. Adtul vyjšli try milicyjanty ŭ cyvilnym i prapanavali aktyvistcy prajechać ź imi. Pryčynu zatrymańnia jany nie patłumačyli.
Nahadajem, 30 červienia milicyja zatrymała aktyŭnych udzielnikaŭ abarony Kurapataŭ — Barysa Anikiejeva, Volhu Mikałajčyk, Paŭła Sieviarynca i Dzianisa Urbanoviča. Mikałajčyk i Sieviaryniec atrymali ŭ vyniku pa 10 sutak aryštu.
Užo amal miesiac u Kurapatach adbyvajucca pratesty suprać restaracyi «Pajedziem, pajadzim». Na ŭdzielnikaŭ abarony Kurapataŭ za hety čas składzieny šmatlikija administratyŭnyja pratakoły, niekatorych aktyvistaŭ zatrymlivała milicyja.