Na 2 hady ŭmoŭna asudžanaja Volha Mianciuk. Takoje rašeńnie pryniaŭ sud Minskaha rajona i Zasłaŭja. Volha Mianciuk była pryznanaja vinavataj u pieradačy kiravańnia aŭtamabilem asobie, jakaja była ŭ niećviarozym stanie — svajmu mužu Ramanu Mienciuku, asudžanamu dniami da 5 hadoŭ pazbaŭleńnia voli.
Pavodle rašeńnia suda, Volha Mianciuk musić vypłacić kampiensacyju MUS Biełarusi za jaje vyšuk u pamiery 2,77 młn rubloŭ, a taksama kala 990 tysiač Ministerstvu achovy zdaroŭja za lačeńnie paciarpiełych padčas avaryi na trasie Minsk‑Mikaševičy.Kali hetyja hrošy Mianciuk nie zapłacić na praciahu miesiaca, na jaje majomaść budzie nakładzieny aryšt.
«Interfaks» adznačaje, što dziaržaŭnaje abvinavačvańnie prasiła dla jaje tolki adzin hod abmiežavańnia voli, ale sud pryznačyŭ bolš žorstkaje pakarańnie. Nahadajem, Volha Mianciuk znachodzicca na 8‑m miesiacy ciažarnaści.
0
0
0
0
0
0
