Paśla ŭvodu svaich źviestak karystalniku ciapier prapanujecca adpravić SMS dla aktyvacyi ŭlikovaha zapisu.
U advarotnym vypadku, novy ŭdzielnik nia zmoža adpraŭlać paviedamleńni, aceńvać fatazdymki, pakidać kamentary i naviedvać staronki inšych karystalnikaŭ.
Raniej zarehistravanym udzielnikam ničoha adpraŭlać nia treba.
Stvaralniki sietki tłumačać hetuju mieru tym, što heta nieabchodna «dla padtrymańnia paradku na sajcie i abarony ŭsich karystalnikaŭ ad aŭtamatyčnaj rassyłki spamu».
Dla biełaruskich karystalnikaŭ rehistracyja kaštuje 1800 rubloŭ biez uliku padatkaŭ u vypadku, kali jon źjaŭlajecca velcom (karotki numar 3355) ci 1900 rubloŭ u vypadku, kali adpraŭlać zapyt z numaru MTS (numar 4054). Dla abanientaŭ Diallog i BieST pasłuha nie pradastaŭlajecca.
U lipieni na resursie stała dastupnaj pasłuha — «Nievidimka», jakaja dazvalaje adklučyć paviedamleńnie pra toje, što karystalnik znachodzicca ŭ sietcy. Taksama karystalnik moža dakupić miesca dla dadatkovych fatahrafij i apłočvać dobryja adznaki svaich zdymkaŭ.