Lidzkija aktyvisty Partyi BNF napisali skarhi ŭ rajvykankam i pravaachoŭnyja orhany z nahody publikacyi ŭ rajonnaj hazecie tekstu z acenkami biełaruskaj movy i jaje nośbitaŭ, piša Radyjo Svaboda.
«Mova» i «śviadomyja»
Aktyvisty Partyi BNF Valer Miniec i Siarhiej Pantus źviarnulisia z zajavami ŭ Lidzki rajvykankam, prakuraturu rajonu, Śledčy kamitet i Ministerstva infarmacyi Biełarusi. U zajavie jany śćviardžajuć, što lidzkaja rajonnaja hazeta raspalvaje varožaść pamiž hramadzianami Biełarusi, jakija karystajucca biełaruskaj i rasiejskaj movami.
Nahodaj dla ich zajavy stała publikacyja ŭ «Lidskaj haziecie» artykuła Antona Bystryckaha pad nazvaj «Intieries v etom diele skorieje ličnyj». Aŭtar vykazvaje sumnieŭ, ci patrebny ŭ Biełarusi nacyjanalny ŭniversytet imia Niła Hileviča, jaki niadaŭna byŭ zarehistravany siabrami Tavarystva biełaruskaj movy.
Aŭtar piša: «Tiema «movy» davno ispolzujetsia biełorusskoj oppozicijej», a «obŝiestvo ottorhajet oppoziciju — śledovatielno, i vsie, čiem ona polzujetsia».
Zdymak pałasy z publikacyjaj Bystryckaha.
Aktyvisty Miniec i Pantus u svaim liście ŭ pravaachoŭnyja orhany źviartajuć uvahu, što «aŭtar Bystrycki kpliva i abraźliva vykazvajecca pra TBM i jahonaha staršyniu, dziaržaŭnaja biełaruskaja mova biarecca im u dvukośsie, a baćki dziaciej, jaki addajuć svaich dzietak u biełaruskamoŭnyja klasy, u abraźlivym kantekście nazyvajucca «śviadomymi»».
«Ja daŭno ničoha padobnaha nie čytaŭ u rajonnaj hazecie. Asabliva ŭražvaje staŭleńnie da ŭsiaho biełaruskaha — abraza i złość tak i pre z hetaha artykuła», — tak Miniec tłumačyŭ Svabodzie, čamu jon vyrašyŭ napisać list u prakuraturu i inšyja dziaržaŭnyja instancyi.
Pavodle jaho, hetym artykułam u dziaržaŭnaj hazecie sprabujuć raspalić varožaść pamiž ludźmi, jakija havorać na roznych movach.
Zajava Valera Minca i Siarhieja Pantusa.
Tekst Bystryckaha — pieradruk
Jak vyśvietliłasia, hety tekst aŭtara Bystryckaha za dva tydni da publikacyi ŭ «Lidzkaj hazecie» byŭ źmieščany na sajcie stopopp.com, jaki zarehistravany ŭ Sankt-Pieciarburhu. Ale ŭ «Lidskaj haziecie» pra heta nibyta ničoha nia viedajuć.
Namieśnica hałoŭnaha redaktara hazety Ludmiła Pietrulevič skazała Svabodzie, što hałoŭnaj redaktarki Kaciaryny Sierafinovič, jakaja ŭ kursie spravy i adkaznaja za publikacyju, na pracy niama, jana ŭ adpačynku da 19 lipienia.
«Materyjał prachodziŭ niepasredna praz redaktara. Vy ž viedajecie, jak i ŭ vas, tak i ŭ nas kiraŭnik u rukach trymaje ŭsie lejcy. Bystrycki — nia naš štatny supracoŭnik, jon peryjadyčna prynosić svaje materyjały hałoŭnaj redaktarcy», — skazała Pietrulevič.
Na pytańni, ci viedaje redakcyja, što hety tekst pad inšym zahałoŭkam na pačatku červienia źjaviŭsia na rasiejskim resursie stopopp.com (u hazecie spasyłki na jaho niama), ci Anton Bystrycki vydaŭ jaho za novy aryhinalny materyjał, ci abmiarkoŭvaŭsia artykuł na redkalehii, spadarynia Pietrulevič adkazała, što nia ŭ kursie spraŭ. Nia viedaje jana taksama, ci miascovy žychar hety Anton Bystrycki.
«Pradmietnuju razmovu ja z vami vieści nie mahu, bo jon supracoŭničaje naŭprost z Kaciarynaj Sierafinovič, — adkazała namieśnica redaktara. — Asobnyja materyjały my abmiarkoŭvajem, ale hety nie abmiarkoŭvali. Ja ščyra vam skažu: ja nia viedaju. A biełaruskuju movu lublu nia mienš za vas, usie ž my rodam ź Biełarusi».
Bystrycki — stały aŭtar «Lidckaj haziety»
U «Lidskaj haziecie» Anton Bystrycki štotydzień viadzie rubryku «Biez rietuši». Praŭda, jahonyja teksty nie vystaŭlajucca redakcyjaj u internet, ich nielha znajści na sajcie hazety.
Za tydzień da publikacyi materyjału «Intieries v etom diele skorieje ličnyj» Bystrycki na staronkach «Lidskaj haziety» raspaviadaŭ, čaho na samaj spravie damahlisia ŭdzielniki haładoŭki «Maci 328».
«Publikuja łožnyj kontient, žiełtaja priessa pooŝriajet ekstriemalnyj mietod poviedienija čiełovieka — hołodovku, a łučšie vsieho «biessročnuju» — tohda možno dostučaťsia i do vysšieho rukovodstva strany. O tom, čto hołodanije možiet navriediť vašiemu zdorovju, nikto nie prieduprieždajet. V koncie koncov, jeśli vy umrietie, «niezavisimaja priessa» budiet prosto sčastliva — chvatit «piŝi» dla razhovorov, vozmožno, na ciełych tri dnia».
U tym ža numary «Lidskaj haziety» Bystrycki vystupaje jak ekspert u halinie mižnarodnych znosin, raspaviadaje pra pamyłki Baŭharyi, jakaja na praciahu 4 hadoŭ pad upłyvam Eŭraźviazu admaŭlałasia supracoŭničać z Rasiejaj u prajekcie «Paŭdniovy patok».
«Bołharija dołho miałaś i mołčała. Poetomu potieriała dieńhi, poskolku tolko priamyje dochody biudžieta Bołharii sostavili by ot tranzita nie mienieje 400 millionov jevro v hod».
A ŭ materyjale «Dyma biez ohnia nie byvajet» Bystrycki raspaviadaje lidčanam, jak «kiemlivyja chłopcy» z prafsajuzu Radyjoelektronnaj pramysłovaści stvaryli ŭłasnuju hrašovuju «piramidu».
«V bankovskich učrieždienijach Litvy oni otkryli sčieta, kuda postupali sriedstva ot profsojuzov Šviecii, Šviejcarii, Danii, Słovakii načinaja s 2011 hoda. Fiedynič i Komlik śnimali dieniežnyje sriedstva, a trieťji lica pierievozili ich v Biełaruś. I eto užie dokazano śledstvijem».
Viedaje Bystrycki i kolki kaštavała dla ŭkrainskaha padatkapłatnika sustreča prezydenta Piatra Parašenki z Donaldam Trampam u 2017 hodzie. Piša jon i pra ŭkrainskija sankcyi, ad jakich paciarpieli dva biełaruskija pradpryjemstvy — «Mir piva» i Mazyrski śpirtaharełačny zavod.
Inšyja materyjały Bystryckaha — taksama pieradruki
Ale vyjaŭlajecca, što hetyja materyjały taksama možna znajści na roznych internet-resursach. Pryčym niekatoryja ź ich padpisanyja inšymi proźviščami.
Tak, da prykładu, materyjał, źmieščany ŭ «Lidskaj haziecie» pad zahałoŭkam «Dyma biez ohnia nie byvajet», byŭ apublikavany raniej na sajcie zametki.by pad nazvaj «Finansovaja piramida po-biełorusski». Aŭtar tam paznačany Artur Vidnyj.
U rajvykankamie sytuacyju nie kamentujuć
Načalnik adździełu idealahičnaj pracy, kultury i pa spravach moładzi Lidzkaha rajvykankamu Iryna Rabiec kamentavać publikacyju ŭ rajonnaj hazecie admoviłasia, paraiła źviarnucca z aficyjnym piśmovym zapytam na imia staršyni rajvykankamu.
«Nijakich kamentaroŭ ja vam davać nia budu — skazała Svabodzie Iryna Rabiec. — Ja viedaju, pra jaki artykuł idzie havorka. Tolki ŭčora my razmaŭlali ź miascovymi aktyvistami, jany napisali zajavu. Budziem raźbiracca».
Sproby Svabody adšukać samoha aŭtara Antona Bystryckaha akazalisia marnymi. Svaboda vierniecca da hetaj temy, kali ŭdasca źviazacca z redaktarkaj «Lidskaj haziety» i aŭtaram publikacyj Bystryckim.
