Rasija ŭviała dadatkovyja pošliny ŭ pamiery 25-40% na impart niekatorych tavaraŭ z ZŠA ŭ adkaz na amierykanskija pošliny na stal i aluminij. Adpaviednuju pastanovu padpisaŭ premjer-ministr Rasii Dźmitryj Miadźviedzieŭ, paviedamlaje TASS.
Fota: Pres-słužba ŭrada Rasii.
U pryvatnaści, pošliny ŭvodziacca na niekatoryja vidy budaŭniča-darožnaj techniki i naftahazavaha abstalavańnia, aptyčnaje vałakno i pryłady dla apracoŭki mietałaŭ i bureńnia skalnych parod.
Rasija aceńvaje stratu ad amierykanskich pošlin u $537,6 miljona. Heta dadatkovaja suma, jakuju rasijskija eksparciory pavinny płacić Złučanym Štatam. Pavyšeńnie pošlin Rasijaj na hetym etapie daść mahčymaść kampiensavać tolki $87,6 miljona, paviedamlajuć u rasijskim uradzie.
0
0
0
0
0
0