Rasija admoviła Polščy ŭ rekanstrukcyi samalota TU-154M, jaki raźbiŭsia pad Smalenskam 10 krasavika 2010 hoda.
Katastrofa polskaha ŭradavaha samalota TU-154M pad Smalenskam 10 krasavika 2010 h. Fota: wikipedia.org/See OTRS ticket for details / CC BY-SA 2.5
Rasijski bok adkazaŭ admovaj na prašeńnie Padkamisii pa adnaŭleńni rasśledavańnia pryčyn avijakatastrofy polskaha ŭradavaha samalota pad Smalenskam 10 krasavika 2010 hoda ab pradstaŭleńni mahčymaści zrabić u Smalensku rekanstrukcyju samalota Tu-154M ź jaho abłomkaŭ, — paviedamiła pres-sakratar Padkamisii Marta Palonek.
U liście ź Ministerstva zamiežnych spraŭ Rasii śćviardžajecca, što rekanstrukcyja samalota z abłomkaŭ, sabranych na miescy zdareńnia, niemahčymaja bieź ich parušeńnia, źmieny vyhladu i asablivych prykmiet.
«Pazicyja rasijskaha boku śviedčyć pra złuju volu albo pra absalutnuju adsutnaść kampietentnaści ŭ halinie rasśledavańnia avijakatastrof. Pakolki Arhanizacyja mižnarodnaj hramadzianskaj avijacyi (ICAO) u svajoj instrukcyi (Manual of Aircraft Accident and Incident Investigation) ličyć rekanstrukcyju nadzvyčaj važnaj ŭ vyśviatleńni pryčyn katastrofy», — napisała pres-sakratar Padkamisii.
