U Ivanaŭskim rajonie aŭtamabil źbiŭ dźviuch šaścihadovych dziaŭčynak, paviedamlaje DAI UUS Bresckaha abłvykankama.
Niaščasny vypadak na darozie zdaryŭsia siońnia ŭ 12.20 u vioscy Sačyŭki. Pavodle papiaredniaj infarmacyi, 32-hadovy žychar vioski Syčeva jechaŭ na aŭtamabili «Mersedes».
Na zakruhleńni darohi naprava kiroŭca pačaŭ abhaniać traktar i najechaŭ na dźviuch šaścihadovych dziaŭčynak, jakija biez supravadžeńnia darosłych znachodzilisia kala kraju prajeznaj častki. U vyniku dzieci ź ciažkimi traŭmami špitalizavany ŭ Ivanaŭskuju centralnuju rajonnuju balnicu. Pravodzicca pravierka.
0
0
0
0
0
0