Vajskoŭcy 102-j rasijskaj vajskovaj bazy ŭ Armienii praviali vučeńni na terytoryi vioski i napužali nie tolki žycharoŭ siała Panik, ale i žycharoŭ navakolnych viosak.
Spačatku jany padumali, što pačałasia sapraŭdnaja vajna. Da troch dziasiatkaŭ sałdat pierakryli darohu vioski, spynili svaju kałonu, i pačali stralać. Jak vyśvietliłasia paźniej, patrony byli chałastyja.
Ludzi adrazu vybiehli z damoŭ paśla hetych hukaŭ, niekatoryja dzieci navat stracili prytomnaść. Rasijskija vajskoŭcy nikoha nie papiaredzili, što na terytoryi vioski buduć vučeńni.
U fejsbuku źjavilisia videazapisy razmovy miascovych žycharoŭ z rasijskimi vajskoŭcami.
Namieśnik kamandzira 102-j rasijskaj bazy ŭ Armienii pa pracy z asabovym składam Alaksiej Paluchovič skazaŭ, što kiraŭnictva bazy raźbirajecca ź incydentam.