The Hollywood Reporter skłaŭ śpis z 25 hałoŭnych antyhierojaŭ i antahanistaŭ ź filmaŭ pavodle viersii pradstaŭnikoŭ halivudskaj kinaindustryi. U apytańni ŭziali ŭdzieł kala tysiačy kiniematahrafistaŭ.
Lidaram rejtynhu staŭ Dart Viejder z fantastyčnaj kinasahi Džordža Łukasa «Zornyja vojny». Adznačajecca, što Viejdera nazyvali svaim favarytam pradstaŭniki samych roznych uzrostavych, sacyjalnych hrup i prafiesij u Halivudzie. Jaho ŭ «Zornych vojnach» syhraŭ Devid Proŭz, ahučyŭ Džejms Erł Džons.
Na druhim miescy — Hanibał Lektar u vykanańni Entani Chopkinsa («Maŭčańnie jahniataŭ», «Hanibał», «Čyrvony cmok»). Treci radok dastaŭsia Złoj Viedźmie Zachadu, hałoŭnamu antahanistu ź filma 1939 hoda «Čaraŭnik krainy Oz». Rolu viedźmy vykanała Marharet Chemiłtan.
Na čaćviortym miescy apynuŭsia Džokier z «Ciomnaha rycara» u vykanańni Chita Łedžara. Za im idzie miedsiastra Miłdred Retčad (Łuiza Fletčar) z ekranizacyi «Palotu nad hniazdom ziaziuli» z Džekam Nikałsanam.
