U Šviecyi žančyny paskardzilisia na procizačatkavuju mabilnuju prahramu, tamu što jana nie spraviłasia z zadačaj — žančyny zaciažarali.
Pavodle rekłamy, Natural Cycles adsočvaje mienstrualny cykł i fiertylnaść i sprabuje pradbačyć dni, kali imaviernaść zaciažaryć roŭnaja nulu. Adnak 37 z 668 pacyjentak, jakija zrabili abort u adnoj z hałoŭnych balnic krainy ź vieraśnia pa śniežań 2017 hoda, abvinavacili ŭ ciažarnaści mienavita hetu mabilnuju prahramu.
Ułady Šviecyi pačali pravierku. Pradstaŭniki Natural Cycles paćvierdzili, što kolkaść niepažadanych ciažarnaściaŭ, jakija adbylisia, jak miarkujecca, z-za vykarystańnia prahramy, supadaje z kolkaściu jaho šviedskich karystalnic.
Jak paviedamlajecca, padpiska na Natural Cycles kaštuje kala 60 funtaŭ sterlinhaŭ. Kožnuju ranicu karystalnica pavinna ŭnosić u tablicu danyja pra tempieraturu svajho cieła, i prahrama vyznačaje, ci mahčymaje začaćcie.
Kampanija, jakaja raspracavała dadatak, stvorana Elinaj i Raulem Bierhłund u Šviejcaryi. Na dadzieny momant u Natural Cycles bolš za 700 tysiač karystalnikaŭ.
