Fiestyval Rockowisko Hajnowka projdzie ŭ Polščy 28 lipienia. Siarod chedłajnieraŭ 10-ha jubilejnaha festu — biełaruski world-rock hurt Re1ikt.
Sioleta razam z Re1ikt na feście vystupiać viadomyja polskija hurty Cochise, De Łindows, Materia, Farben Lehre dy inšyja.
Fiestyval Rockowisko pravodzicca ŭ parku ŭ centry miastečka Hajnaŭka z 2008 hoda. Jaho arhanizujuć dziejačy ź miascovaha muzieja i asiarodku biełaruskaj kultury, kab uznavić muzyčnuju rok-atmaśfieru miastečka ŭ 80-90-ja hady minułaha stahodździa.
Akramia kancertnaj prahramy, na Rockowisko Hajnowka tradycyjna adbyvajecca muzyčny konkurs siarod maładych rok-hurtoŭ. Ale sioleta na jubilejnym feście konkursnaj častki nie budzie.
Darečy, hurt Re1ikt pastaviŭ rekord fiestyvalu pa ŭznaharodach u konkursnaj prahramie ŭ 2013 hodzie, atrymaŭšy Hran-pry i Pryz hladackich simpatyj. Hałoŭny pryz uručaŭ asabista mer Hajnaŭki. A ŭ 2014 hodzie Re1ikt užo vystupiŭ na scenie Rockowisko u jakaści haściej.
Nastupny vystup hurta Re1ikt u Minsku adbudziecca ŭ Karetnym dvoryku (vuł. Kiryła i Miefodzija, 8) padčas śviatkavańnia Dnia horada 8 vieraśnia. Pačatak — 20:30 Uvachod na imprezu volny.
