Siarod zatrymanych kiraŭnik Libertaryjanskaj partyi Siarhiej Bojka i kaardynatar maskoŭskaha štabu Alaksieja Navalnaha Aleh Ściapanaŭ, piša Radyjo Svaboda. Akramia taho, zatrymany viadučy mitynhu Michaił Čyčkoŭ.
Siońnia na praspekcie Akademika Sacharava ŭ Maskvie prajšoŭ uzhodnieny z haradzkimi ŭładami mitynh suprać pavyšeńnia pensijnaha ŭzrostu. Pavodle aficyjnych acenak, u im uziali ŭdzieł kala dźviuch z pałovaj tysiač čałaviek. Pavodle acenki «Biełaha ličylnika», u mitynhu ŭziali ŭdzieł šeść tysiač čałaviek.
U Maskvie, na praspekcie akademika Sacharava, u niadzielu
Na mitynhu sabralisia hramadzianie sa ściahami i symbolikaj Libertaryjanskaj partyi Rasiei, partyj «Jabłoko» i «Diemokratičieskij vybor», ruchu «Otkrytaja Rośsija», anarchisckich i feminisckich ruchaŭ, a taksama prychilniki apazycyjanera Alaksieja Navalnaha, jaki prysutničaŭ na mitynhu.
Udzielniki mitynhu skandavali lozunhi suprać pavyšeńnia pensijnaha ŭzrostu, za adstaŭku ŭradu i źmianialnaść ułady. Na akcyi vystupili pradstaŭniki prafsajuzaŭ, aktyvisty, municypalnyja deputaty.
Da piensijnych pratestaŭ u Rasiei dałučylisia harady-miljońniki, u jakich prachodzili hulni čempijanatu śvietu pa futbole: Voroniež, Krasnadar, Vałhahrad, Jekacierynburh, Kalininhrad i Rastoŭ-na-Donie, a taksama Pskoŭ, Sarataŭ, Vołahda.
Mitynh suprać pavyšeńnia piensijnaha ŭzrostu ŭ Saratavie
