Śledčyja zaviaršyli rasśledavańnie rezanansnaha zabojstva ŭ Kobrynie maładoj žančyny i zamachu na zabojstva jaje muža, paviedamlaje USK pa Bresckaj vobłaści.
Tatuiroŭki abvinavačanaha.
Abvinavačanym pa spravie prachodzić 19-hadovy žychar Pinska. Uviečary 11 lutaha na adnoj z vulic rajcentra jon napaŭ z nažom na siamiejnuju paru, nanios 31-hadovaj žančynie i jaje 39-hadovamu mužu ŭdary nažom pa roznych častkach cieła. Žančyna pamierła ŭ reanimacyjnym adździaleńni balnicy. Paźniej vyśvietlili, što jana była ciažarnaja. Mužčyna atrymaŭ miedycynskuju dapamohu i vyžyŭ. Abvinavačany sa svaimi achviarami da hetaha nie byŭ znajomym.
Padčas papiaredniaha rasśledavańnia vyśvietliłasia, što fihurant ŭ sacyjalnych sietkach aktyŭna zajmaŭsia prapahandaj ekstremisckich dziejańniaŭ i nacyjanalistyčnaj ideałohii, prapaviedavaŭ nacyjanalnuju i relihijnuju varožaści.
Akramia taho, supracoŭniki znajšli jašče adnu paciarpiełuju ad jaho dziejańniaŭ. U pačatku śniežnia 2017 hoda ŭ dyziel-ciahniku Brest-Łuniniec jon ździejśniŭ chulihanskija dziejańni ŭ dačynieńni da dziaŭčyny 1999 hoda naradžeńnia i jaje brata.
Śledstva kvalifikavała dziejańni abvinavačanaha pa č.1 art.130 (raspalvańnie rasavaj, nacyjanalnaj abo relihijnaj varožaści abo roźni), č.2 st.343 (vyrab i raspaŭsiudžvańnie parnahrafičnych materyjałaŭ), č.1 art.339 (chulihanstva), p.p.6 i 14 č.2 art.139 (zabojstva), č.1 art.14 i p.p.1 i 14 č.2 art.139 (zamach na zabojstva) KK.
